سهرۆك مهسعود بارزانى، ئهڤرۆ ئێكشهمبى 28-3-2021ێ پهیامهكا سهرهخوهشیێ ب ههلكهفتا وهغهرا داویێ یا كهرەمێ سهیاد، رهوشهنبیر و رۆژنامەڤانێ نشتیمانپەروەرێ كوردێ ئەرمەنستانێ بهلاڤكر.
سهرۆك مهسعوود بارزانى د پهیاما خوهدا ئاشكرا كر، ب مخابنى ڤه نووچهیێ وهغهرا داویێ یا رهوشهنبیر و رۆژنامەڤانێ نیشتیمانپەروەرێ كوردێ ئەرمەنستانێ كەرەمێ سەیاد گههشته مه، ب ڤێ ههلكهفتا خهمگین سەرەخوهشیێن خوه ئاراستەی بنەمال و دۆست و هەڤاڵێن كەرەمێ سەیاد و كوردێن ئەرمەنستانێ و سۆڤییەتا بهرێ دكەین و خوه ب ههڤپشكێ خهمێن وان دزانن.
كەرەمێ سەیاد بۆ سالێن دوور و درێژ و بێ ماندیبوون كار بۆ پێشخستنا زمان و ئەدەبی كوردی و ب رێڤهبرنا رادیۆییا ئێریڤانێ دكر و رۆڵكێ كاریگەری د بهلاڤكرنا فەرهەنگ و زمانی كوردی ل ئەرمەنستانێ و وهڵاتێن سۆڤییەتیا بهرێ دا هەبوو، خەبات و تێكۆشینا كەرەمی سەیاد شانازییه بۆ هەموو كوردهكێ نشتیمانپەروەر و جهێ رێزهكا مهزنه، هیڤیا سەبر و ئارامیێ بۆ هەموو لایەكى دخوازن و گیانێ كەرەمێ سەیاد شاد بیت.
كهرهمێ سهیاد ل سالا 1938ێ ل گۆندێ حهكۆى ل ناحییا تالین ل ئهرمنستانێ ژ دایك بوویه و ههر ل وێرێ خواندنا خوه یا سهرهتایى تهمام كرییه، و ل سالا 1960 ل رادیویا دهنگێ ئێریڤانێ دهست بكاربوویه، نێزیكى 40 سالان ل پشكا كوردى ل رادیۆیا ئێریڤانێ كار كرییه، وهك ههڤكار پاشى وهك بێژهر و پاشى وهك رێڤهبهرێ رادیۆیێ خزمهتا زمان و ئهدهبێ كوردى كرییه.
ل رۆژا شهمبى ل 27ی ئادارا ئهڤساله ل ئێریڤانا پایتهختێ ئهرمنستانێ د ژیێ (83) سالیێ دا وهغهرا داویێ كر.
