پەسەندکرنا بۆدجێ ئیراقێ ھیڤییەکا مەزن د دلێ بەلێندەرێن پارێزگەھا دھۆکێ دا دروستکریە و داخوازێ ژ حکومەتا ھەرێمی دکەن، پاره‌یێن وان یێن کو دەینن ل دەڤ حکومەتێ بۆ ب مەزێخن، داکو بشێن پتر خزمەتا خەلکێ خوە بکەن.
سەرۆکێ بەلێندەرێن کوردستانێ تایێ دھۆکێ بۆ خانی نیوز دیارکر: پەلێندەرێن پارێزگەھا دھۆکێ دلخوەشن ب پەسەندکرنا بۆدجێ ئیراقێ، ژبەرکو ئەو پێشبینی دکەن دێ رەوشا وەبەرھێنانێ و جێبەجێکرنا پرۆژێن خزمەتگۆزاری باشتر لێ ھێت، جارەکا دێ کارێ بەلێندەران گەشە کەت.
زیرەک تاھر سەرۆکێ بەلێندەرێن کوردستانێ تایێ دھۆکێ خویاکر ژی: ل پارێزگەھا دھۆکێ زێدەتری 845 بەلێندەر و کۆمپانییێن وەبەرھێنانێ ھەنە، و زێدەتری 187 ملیار دینارێن وان ل سەر حکومەتێ نە.
بەلێندەرێن دھۆکێ داخوازێ ژ حکومەتا ھەرێما کوردستانێ دکەن بۆ بەری جەژنا رەمەزانێ رێژەیەکا پارەیێ وان یێ کو دەینن ل سەر حکومەتێ بدەنە وان.
