باڵیۆزێ ئەندەنوسیا ل ئیراقێ سەرسامبوونا خوه ب سرووشتێ كوردستانێ دهربرى.
سەرۆک بارزانی پێشوازی ل ئێلمار ئیوان لوبیس، باڵیۆزێ ئەندەنوسیا ل ئیراقێ و زەینول ئیدریس یونس كونسوڵی ئەندەنووسیا ل هەولێر کر.
د دیدارەکێ دا سەرۆک بارزانی پێشوازی ل بهرفرههبوونا پەیوەندیێن د ناڤبهرا هەرێما كوردستانێ و ئەندەنوسیا كر.
سەرۆک مەسعود بارزانی، ئەڤڕۆ چوارشەمبى 07-04-2021 ل دهمێ دیدارێ دا ل گەڵ باڵیۆز و کۆنسوڵێ ئەندەنوسیا، ئامادەییا خوه دەربڕی بۆ پەیوەندیێن بهرفرههێن د ناڤبهرا هەرێما كوردستانێ و ئەندەنوسیا د بوارێن جودا دا.
ل دووڤ راگههاندنا بارهگایێ بارزانى د دیدارێ دا باڵیۆزێ ئەندەنوسیا ل ئیراقێ سەرسامبوونا خوه ب سرووشتێ كوردستانێ و سەقامگیریێ و پێشكەڤتنا هەرێما كوردستانێ دەربڕى.
ئهندەنوسیا ئێكه ژ وان وهڵاتان کو ساڵانە دەرفەتا خاندنا (سکۆلەرشیپ) بۆ قوتابیێن دەرڤهى وهڵاتى خوه دابین دکهت. نزیکى دوو حهفتییان بهرى نوكه باڵیۆزخانەیا ئیندەنوسیا ل ئیراقێ فۆرما داخوازكرنا دەرفەتێن خاندنێ بۆ قوتابیێن ئیراقێ و هەرێما کوردستانێ بهلاڤكرییه.
