مه‌سروور بارزانى: حكومه‌تا هه‌رێمێ ب قانوونا بودجێ پێگیره‌

سه‌رۆكوه‌زیرێن هه‌رێما كوردستانێ د پرێسكۆنفرانسه‌كى دا راگه‌هاند، ده‌ربازكرنا قانوونا بودجه‌یا ئیراقێ ده‌ستكه‌فته‌ بۆ خه‌لكێ ئیراقێ و هه‌رێما كوردستانێ و هه‌موو ئالى د ده‌ربازكرنا بودجه‌ى دا سه‌ركه‌فتى بوون.

مه‌سروور بارزانى گۆت: كارێ ل پێشیا حكومه‌تا هه‌رێمێ دابینكرنا مووچێن فه‌رمانبه‌رانه‌، حكومه‌تا هه‌رێمێ ژى به‌رهه‌ڤه‌ هه‌موو ئه‌ركێن خوه‌ بۆ بجهئینانا بودجه‌یا ئیراقێ بجهبینیت، داخواز ژ به‌غدا ژى كرییه‌ ئه‌و ژى بۆ بجهئینانا قانوونا بودجێ پێگیر بن.

ل دۆر لێبڕینا مووچه‌ى ژى مه‌سروور بارزانى گۆت: حكومه‌تا هه‌رێمێ ژ هه‌موو ئالییه‌كى پتر خه‌مخۆره‌ كو مووچه‌ وه‌كو خوه‌ بهێت دان، هیڤی خوازن ژى ئه‌و یه‌ك بجهـ بهێت و مووچه‌ى ب ته‌مامى به‌لاڤ بكه‌ن، لێ ل سه‌ر پێگیریا حكومه‌تا فیدرال دمینیت كا دێ چه‌ند پێگیر بن و داخواز ژى ژ به‌غدا كرییه‌ وان خالان ب گرنگى وه‌رگرن و شایستێن دارایى یێن هه‌رێمێ وه‌كو خوه‌ و ل ده‌مێ خوه‌ بهنێرن.

ل دۆر به‌لاڤبوونا ڤایرۆسێ كۆرۆنایێ ژى، مه‌سروور بارزانى، سه‌رۆكێ حكومه‌تا هه‌رێما كوردستانێ گۆت: ژ وه‌لاتییان دخوازن ڤێ پرسێ ب رژدى وه‌رگرن و خوه‌ بپارێزن و داخواز ژ خه‌لكى كر ڤاكسینێ دژى كۆرۆنایێ بكاربینن.