وه‌زیرا چاندنێ و ژێده‌رێن ئاڤێ، ئه‌ڤرۆ چوارشه‌مبى7-4-2021ێ، یاداشتنامه‌كا لێكتێگه‌هشتنێ دگه‌ل 5 كۆمپانیێن كرینێ و بازاركرنێ ب به‌رهه‌مێ پتاتا پیشه‌سازى ئیمزا كر.
بێگه‌ر تاله‌بانى، د په‌یڤه‌كێ دا ئاماژه دا پشتراستى و سه‌رخستن و گرنگییا ئه‌نجامدانا یاداشتا لێكتێگه‌هشتنێ، وه‌كو ئه‌زموونه‌كا نوو یا به‌رهه‌مئینانێ و هیڤى خواست كو ئه‌ڤ پێنگاڤا گرنگ و مێژوویى ببیته ده‌رفه‌ته‌كا باش بۆ پشته‌ڤانییا جۆتیاران و خودان كارگه‌هێن به‌رهه‌مئینانا جپسا پتاتێ.
تاله‌بانى، دیاركر ژى، كو بزاڤێن به‌رده‌وام یێن وه‌زاره‌تێ بۆ بازاركرنا به‌رهه‌مێن نافخوه‌یى و دابینكرنا پێدڤیێن ژیارا خوه و قه‌ده‌غه‌كرنا ئینانا پتاتێ د وه‌رزێ پێگه‌هشتنا به‌رهه‌مێن جۆتیاران، و ئه‌نجامدانا رێكارێن یاسایى و كارگیرى و هه‌ماهه‌نگى دگه‌ل لایه‌نێن په‌یوه‌ندیدار.
