وەزیرێ ساخله‌می و ژینگەها ئیراقێ راگه‌هاند، ملیۆنه‌ك و 300 هزار ڤاکسین ل داویا مه‌ها نیسانێ دێ گه‌هنه ئیراقێ.
حەسەن تەمیمی، وەزیرێ ساخله‌می و ژینگەها ئیراقێ راگەهاند، ل داویا ڤێ مه‌هێ ملیۆنه‌ك و 300 هزار ڤاکسین ب رێكا بنگه‌هێ کۆڤاکس دێ گه‌هنه ئیراقێ و حه‌فتیانه ڤاکسینێ فایزەر دێ گه‌هیت.
لیوا خالد موحەننا، په‌یڤدارێ وەزارەتا ناڤخوە یا حکومەتا ئیراقی راگەھاند، تا 20 مه‌ها نیسانێ رێک ب چ وه‌لاتیان ناھێتەدان سەرەدانا فەرمانگەھێن حکومی بکەن هه‌تا ڤاکسینێ کۆرۆنایێ نەدانن و فەرمانبەر ژی نابیت دەوامێ بکەن تاکو ڤاکسینێ کۆرۆنایێ نەدانن.
سێ جۆرێن ڤاکسینان هه‌تا نها گه‌هشتینه ئیراق و هەرێما کوردستانێ، 50 هزار قورچێن ڤاكسینێ سینۆفارمێ چینى ل 2 مه‌ها ئادارێ گه‌هشت بوون و ل رۆژا 25 مه‌ها ئادارێ 336 هزار قورچێن ڤاکسینێ ئەسترازینیکا گەهشت بوونه ئیراقێ، هه‌روه‌سا 11 مه‌ها نیسانێ ئێكه‌م کاروانێ فایزەر گەهشت و ژ 49 هزار قورچان پێكهاتبوون.
