نێچیرڤان بارزانى و سه‌رۆكێ یونیتاد كۆم بوون

سه‌رۆكێ هه‌رێما كوردستانێ پێشوازى ل سه‌رۆكێ تیما ناڤده‌وله‌تى یا سه‌ر ب نه‌ته‌وه‌یێن  ئێكگرتى ڤه‌ بۆ لێكۆلینێن تاوانێن داعشێ یونیتاد كر، یێ ب هه‌لكه‌فتا داوى هاتنا ئه‌ركێ وى سه‌ره‌دانا هه‌ولێرێ كرى.

نێچیرڤان بارزانى و كه‌ریم خان ئه‌ڤرۆ رۆژا دوشه‌مبى ل هه‌ولێرێ كۆم بوون و سوپاسییا وى كر بۆ وان كار و ئه‌ركێن وى ل ئیراقێ و هه‌رێما كوردستانێ پێشكێش كرین و به‌لگه‌یێن تاوانێن داعشێ كۆم كرین، هیڤیا سه‌ركه‌فتنێ ژى بۆ وى د ئه‌ركێ وى یێ نوو دا خواست كو دێ بیته‌ دۆزگه‌رێ گشتى دادگه‌ها ناڤده‌وله‌تى یا تاوانان.

ژ ئالیێ خوه‌ كه‌ریم خان سوپاسییا نێچیرڤان بارزانى كر بۆ به‌رقراركرنا دادوه‌ریێ و هاریكارى و هه‌ماهه‌نگییا سازیێن په‌یوه‌ندیدارێن حكومه‌تا هه‌رێمێ یێن د ده‌مێ كارى وى دا پێشكێش كرین.