<h3 style="text-align: justify;"><span style="font-size: 18pt;">قانوونا بودجه‌یا ئیراقێ ئه‌ڤرۆ كه‌فته د وارێ بجهئینانێ دا و پشكا هه‌رێما كوردستانێ بۆ سالا 2021ێ نێزیكى 11 ترلیۆن دینار هاتینه دیاركرن.</span></h3> <h3 style="text-align: justify;"><span style="font-size: 18pt;">د. فارس بریفكانى، ئه‌ندامێ جڤاتا نوونه‌رێن ئیراقێ ژ فراكسیۆنا پارتى بۆ خانى نیوز دیار كر، پشتى به‌لاڤبوونا قانوونا بودجا ئیراقێ یا سالا 2021ێ د رۆژناما فه‌رمى دا ئه‌و قانوون كه‌فتیه وارێ بجهئینانێ.</span></h3> <h3 style="text-align: justify;"><span style="font-size: 18pt;">ل گۆره‌ى ئاگاهیێن خانى نیوز، پشكا هه‌رێما كوردستانێ 11 ترلیۆن و 482 ملیار و 394 ملیۆن دینار هاتینه دیار كرن، ژ وى كۆژمه‌ى ژى 8 ترلیۆن و 161 ملیار دینار بۆ خه‌رجیان هاتینه ده‌ستنیشانكرن، سێ ترلیۆن و 271 ملیار دینار بۆ وه‌به‌رهه‌ێنانێ و 923 ملیار و 434 ملیۆن دینار وه‌كو خه‌رجیێن سیادى هاتینه دیاركرن.</span></h3> <h3 style="text-align: justify;"><span style="font-size: 18pt;">نها حكومه‌تا هه‌رێما كوردستانێ ب تنێ بۆ به‌لاڤكرنا مووچه‌یێن فه‌رمانبه‌ران بێ لێبرین پێدڤى ب 895 ملیار دینارایه بۆ هه‌ر مه‌هه‌كێ، كو سالێ دبنه 10 ترلیۆن و 740 ملیۆن دینار.</span></h3>
