شهر و پهڤچوون د ناڤبهرا گهریلایێن پارتییا كاركهرێن كوردستانێ پهكهكێ و سوپایێ توركیا دا ل چیایێ مهتینى روودان و پهكهكهكێ كوشتنا ههشت سهربازێن تورك راگههاند.
ل گۆرهى میدیایا پهكهكێ د شهر و پهڤچوونێن چیایێ مهتینێ دا ل ناڤا ههرێما كوردستانێ، ههشت سهربازێن تورك هاتینه كوشتن و 12 ژى بریندار بووینه.
ژ ئالیێ خوهڤه وهزارهتا بهرگرییا توركیا د بهیانهكێ دا راگههاند، سهربازهكێ وان د شهرێ مهتینى دا هاتیه كوشتن و شهش ژى بریندار بووینه، ههروهسا 31 گهریلایێن پهكهكێ ژى د وى شهرى دا گیانێ خوه ژ دهست دایه.
ژ ئالییهكێ دى نزار مهجید گولى، پهیامنێرێ خانى نیوز ل دهڤهرا بهروارى بالا راگههاند، شهر و پهڤچوون د ناڤبهرا پهكهكی و سوپایێ توركیا ل زنارێ كێسته تا ئهڤرۆ سپێدێ رۆژا دوشهمبى 26/4/2021 ژى بهردهوام بوون و تا نها زیانێن وى شهرى نههاتینه زانین.
