خواندنا ئەلکترۆنی و ئۆنلاین دێ بەردەوام بیت

وەزارەتا پەروەردێ یا حکومەتا هەرێما کوردستانێ راگه‌هاند، ژ ئه‌گه‌رێ بەردەوامییا مەترسییا پەژیكا ڤایرۆسێ كۆرۆنایی، دێ خواندنا ئەلکترۆنی و ئۆنلاین بەردەوام بیت.

وەزارەتا پەروەردێ ئاشكرا كر، پشتى هەلسەنگاندنا ره‌وشا ساخله‌میێ ل لژنا بلند یا بەرهنگاربوونا ڤایرۆسێ کۆرۆنایێ، كو ئاماژە ب مەترسییا به‌لاڤبوونا بەردەوام یا ڤایرۆسێ کۆرۆنایێ دكه‌ت ل هەرێما کوردستانێ، خواندنا ئەلکترۆنی و ئۆنلاین دێ بەردەوام بیت و وەزارەتا پەروەردێ دێ پرۆگرامێ هەردو وەرزێن خواندنێ بۆ قوتابیان پوخت كه‌ت و تاقیکرنێن دوماهییا سالا خواندنێ ب تنێ دێ وان بابەتان بخوه‌ڤه‌ گرن، تاقیكرن ژى بۆ قۆناغا ١ێ بنەرەتی هه‌تا ١١ێ ئامادەیی دێ به‌رى مه‌ها تیرمه‌هێ هێنه‌ كرن.

ئاشكرا ژى كر، وەزارەت دێ د هەماهەنگییا بەردەوام دابن ل گەل وەزارەتا ساخله‌میێ سەبارەت ب خواندنا ناڤ پۆلان، پشتى جەژنا رەمەزانا پیرۆز لژنا بلند بریار دایە ژ پێخه‌مه‌ت بەردەوامبوونا پرۆسەیا خواندنێ چەندین رێکارێن دیتر د کەرتێ گشتی و تایبەت و جهێن گشتی بگیریتە بەر.