فەرماندارێ ئۆپەراسیۆنێن هه‌ڤپشك یێن ئێراقى راگه‌هاند، ئه‌و دخوازن ب رێیا كۆلانا خەندەكه‌كا درێژ، ڤالاتیێن ئێمناهیێ یێن سەر سنۆرێ وه‌لاتێ خوه د گه‌ل سووریێ دائێخن.
تەحسین خەفاجی، د داخویانیه‌كا رۆژنامەڤانی دا گۆت، دێ بزاڤێ كه‌ن د ده‌مێ دو مه‌هێن بهێن دا خه‌نده‌كه‌كێ بكۆلن ب كووراتى و فره‌هییا سێ مەتران ل سنۆرێ وه‌لاتێ وان ل گەل سووریێ و دخوازن د وان دو مه‌هان دا ب داوى بهێت.
خەفاجی گۆت ژى: هێزێن هه‌ڤپەیمانان تاوەرێن چاڤدێریێ و سیمه پێشكێشى وان كرینه داكو ل خەندەكێن سنۆری دناڤبه‌را ئێراق و سووریێ دا ب كار بینن.
ئاشكرا ژى كر، ژ بلى هێزێن وەزارەتا بەرگرییا ئێراقێ و كارمەندێن وەزارەتا ژێده‌رێن ئاڤێ، هێزێن میلیشیایێن حەشدا شەعبی ژى پشكدارن د لێدانا خەندەكان دا.
ئەو ژى گۆت: ژ سه‌رجه‌مێ 220 كیلۆمەترێن سنۆری یێن دناڤبه‌را ئێراق و سووریێ دا، نێزیكی 140 كیلۆمەتر تەمام كرینە.
