سەرۆک بارزانى ئەڤرۆ ل سەلاحەدین پێشوازی ل شاندەکێ هەڤپشک یێ کۆچکا سپی کر.
سەرۆک مەسعود بارزانى، ئهڤرۆ چوار شهمبیێ ل سهلاحهدینێ پێشوازیی ل شاندهكێ ههڤپشکێ كۆچكا سپی و وەزارەتێن دهرڤه و بەرگرییا ئەمریكا کر، كو ژ برێت مەکگۆرک، رێکخهرێ کاروبارێن رۆژههڵاتا ناڤهڕاست و باکوورێ ئەفریقیا ل کۆشکا سپی؛ دێریك شۆلێى، مهزنه شیرهتكارێن وهزارهتا دەرڤهیا ئەمریكا؛ دهينا سترۆل، جێگرێ یاریدەدەری وەزیرێ بەرگریێ بۆ كاروبارێن رۆژهەڵاتا ناڤەڕاست و چەندین شیرەتکارێن دی یێن ئیدارەییا ئەمریكا پێكهاتبوون.
د کۆبونێ دا هۆشیار زێباری و مەحموود محەممەد، ئەندامێن مەكتەبا سیاسییا پارتی دیموكراتی كوردستانێ ژى د ئامادە بوون.
و ل دووڤ راگههاندنا بارهگایێ بارزانى، شاندێ ئهمریكى سلاڤێن تایبهتێن سهرۆك بایدنى و وهزیرێن دهرڤه و بهرگرییا ئهمریكا گههاندیینه سهرۆك بارزانى، ههروهسا شاندێ ئهمریكا پێزانین بۆ وێ ههڤپشكیی و ههماههنگیێ ههبوو كو ل سالێن بووری دا دناڤبهرا ههرێما كوردستانێ و ئهمریكا دا ههبوون، و دوپات كر كو ئیدارا نوو یا ئهمریكا زۆر ب باشى ئاگههدارى رهوش و ئاریشێن ئیراقێ و دهڤهرێ ههنه و وهلاتێ وان یێ پابهنده ب وێ ههڤپشكیێ ئهوا دگهل ههرێما كوردستانێ و ههڤپهیمانێن دى ژى ههیى.
