خالا سنورییا ناڤدهولهتییا باشماخ راگههاند، قهدهغهیا هاتن و چوونا گهشتیاران دناڤبهرا ههرێما كوردستانێ و كۆمارا ئیسلامییا ئیرانێ تا 16 رۆژێن دى هات درێژكرن.
ئیسماعیل عەلی ئاغا، بهرپرسێ راگههاندن و پهیوهندیێن خالێن سنوریێن پاشماخێ ئهڤرۆ راگههاند، بریارا قهدهغهیا هاتن و چوونا گهشتیاران دناڤبهرا ههرێما كوردستانێ و كۆمارا ئیسلامییا ئیرانێ ب رێكا دهروازهیا سنۆریی ژ ئەڤرۆ 5 ئهیارێ تا 16 رۆژێن دى هاتییه درێژكرن.
دیارژى کر، ل 25 شوباتێ ب بریارا ئیرانێ و ژبهر بهلاڤبوونا ڤایرۆسێ كۆرۆنایێ ل وى وهلاتى بریارا قهدهغهیا هاتن و چوونێ دایه و چهندیک جاران ژى ئهڤ بریاره نووكریه ڤە.
بهرپرسێ راگههاندن و پهیوهندیێن خالا سنۆرییا باشماخێ ئاماژه كرییه كو رێك بۆ گهشتیاران ناهێته دان كو بچنه ئیرانێ و بهرۆڤاژى بۆ ههرێما كوردستانێ، بتنێ ئهو كهسه نهبن ئهوێن ههلگرا ڤیزایا نهخۆشیان یان خوێندنكاران ل ئێك ژ زانینگههێن ئیرانێ كو خودان ئیقامه و ڤیزایا بازرگانییا وهبهرهێنانێ رێك پێ دهێته دان.
ئهڤه زێدهتره ژ شهش ههیڤان كو هیچ گهشتهكا ئهسمانى دناڤبهرا ههرێما كوردستانێ و كومارا ئیسلامییا ئیرانێ نەهاتبوو کرن.
