<h3><span style="font-size: 18pt;"><strong>سهرۆكا فراكسیۆنا پارتیا دیمۆكراتا كوردستانێ له جڤاتا نوونهرێن ئیراقێ راگههاند، هندهك لایەنێن سیاسی داخواز كرییه كو ههرێم مهلهفێن نهفتێ و غازێ و خالێن سنۆرى و ههموو داهاتێ ناڤخوه رادهستى بهغدا بكهت، هندهكان ژى نهخواست ئهو قانوونێ ب چ رهنگهكى بهێته پهسهند كرن بۆ یهكێ دا قهیرانا دارایى بهردهوام بیت، ئاماژه ژى دا كو رۆلێ پارتى یێ سهرهكى بوو د پهسهندكرنا قانوونێ دا.</strong></span></h3> <h3><span style="font-size: 18pt;">دکتۆرە ڤیان سەبری راگههاند، ستراتیژیەتا پارتی ل بەغدا، پاراستنا قەوارە و پێگەهێ هەرێما کوردستانێ یه، هەروهسا کار ل سەر وێ یهكێ دکهت كو ههموو مافێن دەستووریێن هەرێمێ د ئیراقا فیدرال دا بەدەستڤه بینن.</span></h3> <h3><span style="font-size: 18pt;">ئاماژه ژى دا كو رێنماێن بارزانى بۆ فراكسیۆنا پارتى ل بهغدا، دوپاتكرنه ل سهر دیتنا رۆلێ نهتهوهیى و دیمۆكراسیهتێ بۆ ههموو ئیراقێ، ئهوێ چهندێ ژى وهكرییه كو پێگههێ پارتى ل بهغدا رۆژ بۆ رۆژێ ب هێزتر بیت و چ كهس نهشێن وى پێگههى لاواز بكهن.</span></h3> <h3><span style="font-size: 18pt;">دکتۆرە ڤیان سەبری ئاماژە ژى دا كو دهڤهرێن كوردستانێ یێن ژ دهرڤهیى ئیدارهیا ههرێمێ ژ ئهولهویاتێن سهركردایهتییا پارتى یه، ههروهسا گۆتى، تێگههێ ههڤپشك و رێككهفتن ل بهغدا كار پێ ناهێته كرن و د چهند سالێن دوماهیێ دا ههژمارهكا قانوونێن گرنگ ب پترییا لایهنێن ئیراقى هاتبوو دهربازكرن.</span></h3> <h3><span style="font-size: 18pt;">دهربارهى قانوونا بودجەیا سالا 2021ێ، سەرۆکا فراکسیۆنا پارتی دوپات كر، كو هندهك ژ پەرلەمانتاران و لایەنێن سیاسیێن ئیراقێ و هندهك ژ پەرلەمانتاران و لایەنێن سیاسێن کوردی ژى ل بەغدا بزاڤێن مهزن دكرن كو قانوون دهرباز نهبیت، ئانكو چ نهبیت ژى قانوونا نوكه نههێته پهسهندكرن.</span></h3>
