عەلی عەونی: بابەتێ هەرێمدارییا زاخۆ ب درەو دەردئێخین

عەلی عەونی بەرپرسێ لقێ هەشت و ئەندامێ سەرکرداتییا پارتی دیموکراتی کوردستان ل زاخۆ بۆ خانی نیوز ڕاگەهاند، هندەک کەس و پەیجان وەسا بەڵاڤ کرییە کو لقا ھەشت ژ قایمقامێ نوو یێ بۆ زاخۆ هاتییە دانان نەڕازییە، ئەو ڤێ نووچەیێ ب ھەموو شێوەیەکێ رەت دکەن و ب درەو دەردئێخین.

عەلی عەونی گۆت ژی؛ پیرۆزباھیێن گەرم ل ھەڤال و کادیرێ خۆ کاک موشیر دکەن و ناڤبری ژ مالباتەکا کوردپەروەر و پێشمەرگەیە، راستە هندەک ناڤێن دی ھاتبوون پێشنیارکرن ، لێ دیسان ل داویێ پارێزگار و جڤاتا پارێزگەھێ بڕیارێ ددەن، هەروەسا رێزێ ل بڕیارا وان دگرن و دێ ھاریکار بن بۆ خزمەتا زاخۆ و سەرخستنا قایمقامێ نوو.

بەرپرسێ لقێ٨ یێ پارتی دیموکراتی کوردستان ئەو چەندە ژی دیارکر، نابیت خەلک ب ڕێکا پەیج و سایت و ئەکاوەنتێن سەختە بێنە خاپاندن.