وەزیرا چاندنێ و ژێده‌رێن ئاڤێ یا هەرێما کوردستانێ دیار كر: کو پرۆژێ نیشتمانی یێ ب بازاڕکرنا گەنمێ جۆتیاران ل پارێزگه‌هێن سلێمانییێ و هەلەبجە و هەردو ئیدارێن گەرمیان و راپەڕین هاتینه ڤه‌كرن، د چەند رۆژێن بهێت دا دێ بەرێ بنیاتى بۆ پرۆژەكێ ل دهۆکێ هێته دانان.
بێگەرد تالەبانی، وەزیرا چاندنێ و ژێده‌رێن ئاڤێ یا هەرێما کوردستانێ راگەهاند، پرۆژێ ب رازاكرنا گه‌نمێ جۆتیاران هه‌ر ژ ده‌ستپێكا دەستبەکاربوونا مه ژ پێشینەیا پلان و کارێن مه دابوو، ب پشته‌ڤانییا هەموو لایەنان ئه‌م شییاینه بگەهینە قووناغا کریاری و ل سێ پارێزگه‌هێن هەرێما کوردستانێ سێ کارگەهێن مه‌زن و سایلۆیێن تایبەتمەند دابمەزرینین و سالانە 500 هزار ته‌نێن گەنمى ژ جۆتیاران وەربگرین و بكه‌ینه پیشەسازی.”
بێگەرد تالەبانی گۆت ژى، ل چەند حه‌فتیێن بهێت دا ل پارێزگه‌ها دهۆکێ مه ئامادەکاری تەمام كرینه و دێ به‌رێ بنیاتێ پرۆژەکێ ل پارێزگه‌ها دهۆكی ژى دانین.
