هژمارا بانكى بۆ گشت مووچه‌خوران دێ هێته‌ ڤه‌كرن

وەزارەتا دارایی و ئابوورییا حکومەتا هەرێما کوردستانێ، بڕیاره‌ک ده‌ربارەیى ئەوان فەرمانبەران دەرخستییه‌، کو هژمارا بانکی نینە، بەرپرسه‌كێ وەزارەتێ ژى دووپات د كه‌ته‌ڤه‌‌، كو ئه‌و گه‌هشتینه‌ ئه‌وێ بڕیارێ كو هژمارا وان دڤێت ب‌ ئه‌لیكترۆنی بیت.

ل دوویڤ نڤیساره‌كا وه‌زاره‌تا دارایى و ئابووریی، كو وه‌زیرێ دارایى و ئابوورى بۆ رێڤه‌به‌رییان ده‌ركرییه‌، و وه‌زاره‌تێ داخواز ژ رێڤه‌به‌رییان كرییه‌ كو داتایان و زانیاریان ل سه‌ر فه‌رمانبه‌ران بهنێرنه‌ بانكێن بازرگانى، ئه‌وا ئه‌وێن هه‌تاكو نوكه‌ هژمارا بانكى دروست نه‌كرییه‌.

 دووپاتى ل سه‌ر هندێ ژى كرییه‌، كو ئه‌ڤ كاره‌ بۆ جێبه‌جێكرنا یاسایا چاكسازیێ یه‌، دڤێت ئه‌و رێڤه‌به‌رى فۆرمه‌كا تایبه‌ت بۆ وان فه‌رمانبه‌ران پر بكه‌ت، ئه‌وێن هژمارا بانكى بۆ ڤه‌نه‌كرى، ژ زانیارییان و ناڤ و نیشانێن فه‌رمانبه‌رى و كودێ بایومه‌ترى و چه‌ند پێزانیینه‌كێن دى ژى پربكه‌ن.

ل دوویڤ یاسایا چاكسازیێ دڤێت هژمارا بانكى بۆ گشت مووچه‌خوران بهێته‌ ڤه‌كرن.