وه‌زاره‌تا چاندنێ: بەغدا ئێدى بۆ ژیانێ گونجای نینه‌

وەزارەتا چاندنا حكومه‌تا ئیراقێ راگه‌هاند، باژارێ به‌غدا یا پایته‌ختێ وى وه‌لاتى ئێدى بۆ ژیانێ نه‌یا گونجاییه‌.

حه‌مید نایف، په‌یڤدارێ وه‌زاره‌تا چاندنا ئیراقێ ئه‌ڤرۆ راگه‌هاند، 20-30 ژ سه‌دێ ناوچێن كه‌سكاتى یێن به‌غدا به‌ر ب بیابانبوونێ دچن.

ئاماژه‌ ژى كر، شینكرن و دروستكرنا كه‌سكاتى پێدڤى ب رێژه‌كا مه‌زن یا پاره‌ى و پلان و به‌رنامه‌كێ ستراتیژى و نشتیمانى هه‌یه‌.

ب بۆچوونا په‌یڤدارێ وه‌زاره‌تا چاندنا ئیراقێ، به‌غدا ب تایبه‌ت به‌رى ره‌سافه‌ ل وى باژاری،ئێدى نه‌یا گونجایه‌ بۆ ژیانێ، ژبه‌ركو رێژا كه‌سكاتى گه‌له‌ك تێدا تێدا كێم بوویه‌.

حه‌مید نایف ئه‌گه‌رێ ب بیابانبوونا به‌غدا و باژارێن دى یێن ئیراقێ، ب تایبه‌ت باژارێن رۆژئاڤایێ وى وه‌لاتى ڤه‌دگه‌رینیت بۆ كێمیا ئاڤێ و كێمیا بارانێ و بلندبوونا پلێن گه‌رمێ.