زانایێن کۆلیژا نۆشدارى ل زانکۆیا واشنتۆن ل سانت لویس دیار كرینه: ئەو کەسێن تووشی ڤایرۆسێ کۆرۆنایێ بووین و نیشانێن وی ب سڤكى تێدا دیار بووین، جارهكا دیتر تووشى وى ڤایرۆسى نابن.
زانایان دڤهكۆلینهكێ دا دیار كرییه: ئەو کەسێن پێشتر تووشی ڤایرۆسێ کۆرۆنایێ بووین و نیشانێن وان د سڤك، جارهكا دى تووشی وى ڤایرۆسى نابن، ژبهركو ب درێژاهییا عهمرێ وان دژە تەنهک د لهشێ وان دا دروستبوویه و رێگریێ ل ڤایرۆسێ کۆرۆنایی دكهت.
وان بسپۆران گۆتییه ژى: ئاكنجیێن رۆژههلاتا ناڤین و دناڤا وان دا ئێراق و هەرێما کوردستانێ، هەر وهلات و دهڤهرهكا خوارنێن رووەکی دخۆن، بەرگرییا لهشێ وان ب هێزترە، لهوما دهمێ توشى نەخۆشییەکا وەرزی یان ڤایرۆسهكێ ببن، دشێن رووبروو ببن و ههتا رادەكێ باش ژى دهرباز بكهن.
نوكه پرسا دوبارە توشبوون ب ڤایرۆسێ کۆرۆنایێ جهێ نیگهرانییا بسپۆران و وان کەسان ژى بوویه یێن پێشتر تووش بووین، ئەوێن تووش بووین و پاشى باش بووین، لهشێ وان بۆ دهمێ شەش مههان دژە تەنى دروست دكهت و بەرگریێ دكهتن كو جارهكا دى تووش نهبیت، پشتى تێپەڕبوونا شەش مههان ئهو بەرگرییا کاریگەر نامینیت و ئەگەر هەیە ئهو کەسەکە جارهكا دى تووشی وى ڤایرۆسى ببیت.
