هۆشیار زێبارى كێشه‌یا هه‌رێمێ دگه‌ل به‌غدا سیاسى یه‌

هۆشیار زێباری ئەندامێ مەکتەبا سیاسییا پارتی ل دیداره‌كێدا راگەهاند، كو حکومەتا فیدڕاڵی ١١ هه‌یڤه‌ پارەیێ مووچەیێ فەرمانبەرێن هەرێمێ نه‌ هنارتینه‌، و دبێژیت، كو ناکۆکیێن دناڤبه‌را هەرێمێ و بەغدا دا یا هونەری و دارایی نینە بەڵکى زێده‌تر یا سیاسییە.

ئه‌ڤه‌ نێزێكى دوو هه‌یڤه‌ بودجه‌یا ئیراقێ هاتییه‌ په‌سه‌ندكرن، به‌لێ هه‌تا نوكه‌ چ كۆژمه‌كێ پاره‌یى ژ به‌غدا بۆ هه‌رێمێ نه‌هاتییه‌ هنارتن و د نوكه‌ ژى دا شاندا هه‌رێمێ ل به‌غدایه‌ بۆ گۆتوبێژان و جێبه‌جێكرنا یاسایێ.

ده‌رباره‌یى هه‌لبژارتێن داهاتیێن په‌رله‌مانێ ئیراقێ ئاماژه‌ دا، كو د نوكه‌دا ئاماژه‌یێن ئه‌رینى هه‌نه، وه‌كى رێژه‌یا پشكداران، كو چێدبیت زۆر یا زێده‌تر بیت ژ وێ یا دهێته‌ چاڤه‌رێكرن.‌