<h3 style="text-align: justify;"><span style="font-size: 18pt;"><strong>وەزیرێ دارایی و ئابووریێ حکومەتا هەرێما کوردستانێ ل گەڵ سەرجەم رێڤه‌به‌رێن گومركان كۆمبوو و راگەهاند، كو گومرك ژێده‌ره‌كێ گرنگێ داهاتییه و دڤێت ئه‌م ئه‌وى داهاتێ گرنگ ب پارێزین.</strong></span></h3> <h3 style="text-align: justify;"><span style="font-size: 18pt;">وه‌زیرێ دارایى و ئابوورىێ حكومه‌تا هه‌رێما كوردستانێ، ئه‌ڤرۆ چارشه‌مبى 9 خزیرانا 2021ێ ل دیوانا وه‌زاره‌تێ دگه‌ل رێڤه‌به‌رێ گشتیێ گومركێن هه‌رێما كوردستانێ و هه‌موو رێڤه‌به‌رێن گومركى ل سه‌ر زێده‌كرنا داهاتى و بزاڤا بازرگانى كۆمبوون. </span></h3> <h3 style="text-align: justify;"><span style="font-size: 18pt;">ئاوات جەناب نووری، وەزیرێ دارایی و ئابووری د وێ کۆمبوونێدا به‌حسێ ئاستەنگێن د كه‌ڤنه به‌رامبه‌رى كارێ بازرگانی ل هه‌رێما كوردستانێ كر. و سۆزا دا، ئه‌م هەموو پێكەڤە دشێن كاری باشتر بكەین ئه‌و ژى ب زێده‌كرنا بزاڤا بازرگانى وب ئارمانجا زێده‌كرنا داهاتى.</span></h3> <h3 style="text-align: justify;"><span style="font-size: 18pt;">ل دوویڤ راگه‌هاندنا وەزارەتا دارایی، د وێ كۆمبوونێدا، ساماڵ عەبدولڕەحمان، رێڤه‌به‌رێ گشتیێ گومركێن هەرێما كوردستانێ به‌حسێ ئاستەنگان كر، و پێكەڤە چارەسەرییه‌كا گونجایى دەستنیشانكر، بۆ نه‌هێلانا ئاسته‌نگان و باشتركرن و زێده‌كرنا بزاڤا بازرگانى و داهاتى.</span></h3> <h3 style="text-align: justify;"><span style="font-size: 18pt;">ل داوییا كۆمبوونێدا، وه‌زیرێ دارایى و ئابووریێ حكومه‌تا هه‌رێما كوردستانێ،دووپاتكرییه، كو گومرك ژێده‌ره‌كێ گرنگێ داهاتى یه ل هه‌رێما كوردستانێ و دڤێت ئه‌م هه‌موو وى داهاتێ گرنگ ب پارێزین. </span></h3> <h3 style="text-align: justify;"></h3>
