توپەک ب مالا وەلاتیەکێ گوندێ قومریێ کەفت

ژئەگەرێ توپبارانا سوپایێ تورکیا توپەک ب مالا وەلاتیەکێ گوندێ قومریێ ل سنورێ ناحیا کانی ماسێ کەفت .

عومەر قومری موختارێ گوندێ قومریێ بوخانی نیوز زاگەهاند، ژئەگەرێ توپبارانا سوپایێ تورکیا سەعەت 10:30بو 11:00 توپەک ب مالا وەلاتیەکێ گوندێ قومریێ ل سنورێ ناحیا کانی ماسێ کەفت و زیانێن مەزن بەر ب خانی وترومبێلا وی وەلاتی کەفتن .

عومەر قومری دیار ژی کر ، وی کەسی ژبو مەرەما سەخبێرکرنا بیستانێ خوە ل نێزیک گەلییێ قومریێ سەرەدانا گوندی کربوو ، و شیان خودانێ خانی ب سلامەتی رزگاربکەن وچ زیانێن گیانی پەیدانەبوون .

ب به‌هانه‌یا هەبوونا بنگەهـ وبارەگایێن گەریلایێن پارتییا كاركه‌رێن کوردستانێ پەکەکێ بەردەوام فرۆکەیێن تورکیا سنورێ ناحیا کانی ماسێ توپباران وبومبەباران دکەن .

خانى نیوز، هەیوار ستار