مه‌سرور بارزانى پێشوازی ل بالیۆزێ ئەمریکا ل ئیراقێ كر

سەرۆکێ حکومەتا هەرێما کوردستانێ پێشوازی ل بالیۆزێ ئەمریکا ل ئیراقێ كر و چه‌ند بابه‌ته‌ك گۆتوبێژ كرن.

مەسرور بارزانی، سەرۆکێ حکومەتا هەرێمێ کوردستانێ پێشوازی ل ماتیۆ تولەر بالیۆزێ ئەمریکا ل ئیراقێ کر، د كۆمبوونێدا، کو رۆب والەر کونسوڵێ گشتیێ ئەمریکا ل هەولێرێ ئامادە بوو، داوى پێشهات و گوهۆرینێن ئیراقێ و هەرێما کوردستانێ هاتنه‌ گۆتوبێژ كرن، دووپاتى ل گرنگییا بەردەوامبوونا چاکسازیێن وەزارەتا پێشمەرگەى و هه‌ڤكاریكرن و پشته‌ڤانیكرنا هێزێن پێشمەرگە هاته‌ كرن ژلایێ هێزێن هه‌ڤپه‌یمانان ڤه‌، بۆ به‌رهنگاربوونا تیرۆرێ و پاراستنا ئارامیی و سەقامگیریێ ل  ده‌ڤه‌رێ.

 د ته‌وه‌ره‌كێ دى یێ كۆمبوونێدا، گۆتوبێژ ده‌رباره‌ی هه‌لومه‌رجێن ئه‌نجامدانا هه‌لبژارتنێن داهاتیێن ئیراقێ و پێدڤییاتییا رێ خۆشكرنێ ل به‌رده‌م هه‌لبژارتنێن پاقژ هاتنه‌ كرن.