بهرپرسێن باژێرێ مهیامى ل ویلایهتا فلۆریدا یا ئهمریكى راگههاند؛ تیمێن وان بۆ رۆژا پێنجێ یه ل سهر لێگهریانێ دبهردهوامن و بزاڤان دكهن وان 150 كهسان ببینن كۆ تا نها د بێسهروشونن.
جێمى پاترۆنیس، بهرپرسێ ئاگرڤهمراندنێ یێ وێ ویلایهتێ راگههاند؛ دگهل وان تیمێن ژ ئسرائیلێ و مهكسیك هاتین، زێدهترى 300 تیمێن لێگهریان و رزگاركرنا بلهز كاردكهن ژ پێخهمهت رزگاركرنا بێسهروشونان.
رۆژا پێنج شهمبییا بوورى ل دهڤهرا سێرفساید یا سهر ب باژێرێ مهیامى ل ویلایهتا فلۆریدا یا ئهمریكى، ئاڤاهییهكێ 13 نهومى كۆ ژ 270 یهكهیێن ئاكنجیبوونێ پێكهاتبوو ههرفت و بۆ ئهگهرێ گیان ژ دهستدانا 12 كهسان و نێزیكى 150 كهس د بێسهروشونن.
