پشکا چارەسەریا پەنجەشێرا زارۆیان ل نەخۆشخانا هیڤی دێ هێتە دروستکرن

د.ئەفراسیاب موسا یونس، رێڤەبەرێ گشتیێ ساخلەمیا دهۆکێ پێشوازی ل خانم پەخشان عەلی، بەرپرسا رێکخراوا هیڤی کر و ل دۆر پێشڤەبرنا ساخلەمیا زارۆکان گەنگەشەکرن.

رێڤەبەرێ گشتیێ ساخلەمیێ دیارکر، نەخۆشخانا هیڤی خزمەتەکا مەزن دوارێ چارەسەریێ دا پێشکێشی زارۆکان دکەت و خواست خزمەت بهێنە بەرفرەهکرن ب تایبەت بو چارەسەرکرنا پەنجەشێرا زاروکان.

هەردو لایەنان گرێبەستەک ئیمزاکر بو بەرفرەهکرنا نەخۆشخانا هیڤی و زێدەکرنا پشکا چارەسەریا پەنجەشێرا زارۆکان کو دێ 26 تەختان ب خوەڤەگریت.

ل نێزیک دێ دەست ب پرۆژەی هێتەکرن و پشتی ب دووماهی هاتنێ، هەموو جورێن پەنجەشێرا زارۆکان دێ ل وێرێ هێنە چارەسەرکرن.