وەزیرا کار و کاروبارێن کۆمەڵایەتی: هه‌ر فه‌رمانبه‌ره‌كێ نه‌ ژ هه‌ژى پله‌یێن وان هاتینه‌ بلندكرن دێ هێنه‌ برین

وەزیرا کار و کاروبارێن کۆمەڵایەتیا حکومەتا هەرێما کوردستانێ، چاکسازیێن ناڤ وەزارەتێ دا ئاشکرا کر و ڕاگەهاند: پێداچوون د دۆسیەیا فەرمانبەراندا تەمامبوویه‌ و هەر فەرمانبەره‌کێ  نه‌ژ هه‌ژى پلەیێن وان هاتینه‌ بلند كرن، یان دەرماڵە بۆ هاتبنه‌ نڤیسین دێ هێنه‌ برین.

کوێستان محەمەد، وەزیرا کار و کاروبارێن کۆمەڵایەتیا حکومەتا هەرێما کوردستانێ، د پرێس كونفرانسه‌كێ دا ل هه‌له‌بجه‌، به‌حسێ جاكسازیێن دناڤ وه‌زاره‌تێ دا كرن و پێداچوون د دوسه‌یێن فه‌رمانبه‌راندا كرییه‌، و و هەر فەرمانبەره‌کێ  نه‌ژ هه‌ژى پلەیێن وان بلند كرینه‌، یان دەرماڵە بۆ هاتبنه‌ نڤیسین دێ هێنه‌ برین.  

ده‌رباره‌ى نه‌هێلانا رۆتیناتان ل وه‌زاره‌تا كار و كاروبارێن كومه‌لایه‌تیا حكومه‌تا هه‌رێما كوردستانێ، گۆتى: ئه‌وا گرنگ ژلایێ مه‌، نه‌هێلانا رۆتینى یه‌.

کوێستان محەمەد، دێ پێداچوونێ د دۆسه‌یا كێمئه‌ندامان دا كه‌ین و هه‌ر كێمئه‌ندامه‌كێ گیانێ خوه‌ ژ ده‌ست دابیت یان گه‌شت كربیت یان ژ نه‌ژهه‌ژى كێمئه‌ندامى بۆ دانابیت، كێمئه‌ندامییا وى دێ هێته‌ راگرتن.

گۆتى ژى: نوكه‌ ئه‌م مژوولى دروستكرنا ناسنامه‌یانه‌ بۆ كێمئه‌ندامان، پێشتر ئه‌گه‌ر كێمئه‌ندامه‌كى مامه‌له‌یه‌ك ژ وه‌زاره‌ته‌كێ هه‌بایه‌، پێدڤى بایه‌ نڤێساره‌كێ بینیت بۆ وه‌زاره‌تا كاروكاروبارێن كومه‌لایه‌تى، وه‌زاره‌تێ ژى بۆ لایه‌نێن په‌یوه‌ندى دار فرێكربایه‌، به‌لێ نوكه‌ ب وێ ناسنامێ ئه‌و ب خوه‌ دێ كارێن خوه‌ ب رێڤه‌ به‌ت.

وەزیرا کار و کاروبارێن کۆمەڵایەتی، ئاماژه‌ دایه‌: “سەنتەرێ دەستنیشانکرنا پەککەفتیان دێ  دروست کەین، کو د یاسایا چاکسازێدا هاتییه‌،بۆ هندێ كو كێم ئه‌ندام ل داهاتى دا پشكنین ل ڤى سه‌نته‌رى بۆ بهێنه‌ كرن، ده‌رخسته‌ و تێچوویا وێ مه‌ ئاراسته‌ى جڤاتا وه‌زیران كرییه‌ بۆ هندێ د ئاینده‌كێ نێزیك دا بهێته‌ په‌سه‌ند كرن و بچیته‌ د وارێ جێبه‌جێكرنێدا.