تورکیا دێ کارەبێ دەتە هەرێما کورستانێ

خانی نیوز، سەعد عاسف

ب مەرەما چارەکرنا ئاریشا کێمییا کارەبا نیشتیمانی، هەرێما کوردستانێ د ڤێ حەفتیێ دا دێ 100 مێگاواتێن کارەبێ ل تورکیا ئینیت بۆ هەرێما کوردستانێ.

شاکر مەحمود، رێڤەبەرێ گشتی یێ کارەبا پارێزگەها دهۆکێ بۆ خانی نیوز راگه‌هاند، كو ئه‌و مژوویلی کارکرنێینە د هێلا 132 کەیڤی ل وێستگەها کاشێ بۆ زاخۆ و بڤێ چەندێ ژی کارەبا ل تورکیا دێ هێت بۆ هەرێما کوردستانێ ئەوژی 100 مێگاواتن.

شاکر مەحمود گۆت ژی، پشتی گەهشتنا وان 100 مێگاواتان بۆ هەرێما کوردستانێ دێ هێنە تێکەلکرن دگەل کارەبا نیشتیمانی، و ئەو 100 مێگاوات دێ گەهنە وێستگەها دۆبانێ یا قەزا سێمێلێ و ب ڤێ چەندێ ژی ڕێژا کارەبا تورکیا ل هەرێمێ دێ بیتە زێدەتر ژ 300 مێگاواتان.
ناڤبری گۆت ژی، هاتنا وان 100 مێگاواتێن کارەبێ و تێکەل کرنا وێ دگەل کارەبا نیشتیمانی دێ کاریگەریەکا باش ل سەر رەوشا کارەبا هەرێمێ هێتە کرن.