بسپۆرێن ساخله‌مییێ یێن ئیراقێ هوشدارییێ ژ بلندبوونا رێژا توشبوونێ ب كۆرۆنایێ و لاوازییا سیسته‌می ساخله‌مییێ دده‌ن.
پێگه‌هێ ئه‌لحوره د راپۆرته‌كێ دا راگه‌هاند؛ ل ده‌ستپێكا ڤێ مه‌هێ و تا نها و ئامارا رۆژانه د بلندبوونه‌كا پیڤانه‌ى دایه ب ره‌نگه‌كى كۆ ئامارا رۆژانه یا توشبوونێ بۆ نێزیكى 9 هزار كه‌سان بلندبوویه و رۆژانه 30 تا 40 كه‌سان ژى ژ وى ئه‌گه‌رى ژیانا خوه ژده‌ست دده‌ن.
ستار سامر، رێڤه‌به‌رێ گشتى یێ روانگه‌ها ساخله‌مییێ ل ئیراقێ دیاركر: سیسته‌می ساخله‌مییێ ل ئیراقێ لسه‌ر لێڤا ژناڤچوونێ یه و رێژا توشبوونێ گه‌هشتییه ئاسته‌كێ مه‌ترسیدار و نه‌خوشخانێن ئیراقێ پر بووینه و شیانێن وه‌رگرتنا زێده‌تر یا نه‌خۆشان نینه.
پزیشكێن ئیراقێ ژى دیاردكه‌ن، نه‌بوونا هژمارا پێدڤى یا كارمه‌ندێن ساخله‌مییێ و كێمییا ده‌رمانان و سۆتنا یه‌كه‌یێن كه‌ره‌نتینكرنێ دێ وان د جه‌نگا دژى كۆرۆنایێ دا شكێنن.
