وه‌لاتێن ئۆپیك پلاس ئه‌ڤرۆ دێ كۆم بن

بۆ درێژكرنا رێككه‌فتنا دناڤبه‌را وه‌لاتێن ئۆپیك پلاس دا ئه‌ڤرۆ دووباره‌ دێ وه‌لاتێن پشكدار كومبن.

د كومبوونێن به‌رێ یێن ئۆپیك پلاس دا ژبه‌ر ناكوكیێن دناڤبه‌را وه‌لاتێن سعوودیه‌ و ئیمارات نه‌دگه‌هشتنه‌ رێككه‌فتنێ، وه‌لاتێ ئیمارات دڤێت ئاستێ به‌رهه‌مئینانا نه‌فتێ بلند بكه‌ت و سعوودیه‌ ب ڤێ چه‌ندێ رازی نابیت.

رێكخراوا وه‌لاتێن هنارده‌كارێن نه‌فتێ ب سه‌ركردایه‌تیا سعودیێ و روسیا كو بناڤێ ئۆپیك پلاس دهێنه‌ نیاسن بریاربوو لسه‌ر ئاستێ به‌رهه‌مئینانا نه‌فتێ رێككه‌ڤن لێ ژبه‌ر ناكوكیێن دناڤبه‌را ئیمارات و سعوودیه‌ كومبوون هاته‌ پاشخستن.

رێكخراوا ئۆپیك پلاس ژ 24 وه‌لاتان پێك دهێت، سالا بوورى بۆ كێمكرنا ئاستێ به‌رهه‌مئینانا نه‌فتێ رێككه‌فتبوون كو به‌رهه‌مئینانا 10 ملیۆن به‌رمیلێن نه‌فتێ رۆژانه‌ كێم بكه‌ن بۆ ڤه‌گه‌راندنا هه‌ڤسه‌نگیێ بۆ بازارێ نه‌فتێ.