وه‌زیرێ په‌ترۆلا ئیراقێ: كێشه‌یێن خوه‌ ل گه‌ل هه‌رێمێ دێ چاره‌سه‌ر كه‌ین

وه‌زیرێ په‌ترۆلا ئیراقێ ئاماده‌ییا وه‌زاره‌تا خوه‌ بۆ نه‌هێلانا هه‌موو كێشه‌یێن ته‌كنیكى و دارایى دگه‌ل هه‌رێما كوردستانێ نیشاندا.

ئیحسان عه‌بدولجه‌بار، وه‌زیرێ په‌ترۆلا ئیراقێ د چارچووڤێ كۆمبوونا خوه‌ دا دگه‌ل كه‌مال ئه‌ترۆشى، وه‌زیرێ سامانێن سروشتى یێ حكومه‌تا هه‌رێما كوردستانێ ل به‌غدا راگه‌هاند؛ ئه‌و د به‌رهه‌ڤن هه‌موو كێشه‌یێن ته‌كنیكى و ئاسته‌نگێن دارایى یێن دگه‌ل هه‌رێمێ ل گۆره‌ى ده‌ستوورى چاره‌سه‌ربكه‌ن.

دیار ژى كر، ئه‌و داخواز دكه‌ن لاپه‌ره‌كێ نوو بۆ گۆتۆبێژكرنێ و چاره‌سه‌ركرنا كێشه‌یان بۆ خزمه‌تكرنا خه‌لكێ ئیراقێ بهێته‌ ڤه‌كرن.

ژلایێ خوه‌ ژى ڤه‌ وه‌زیرێ سامانێن سروشتى یێ هه‌رێمێ دۆپاتى ل گرنگییا كاركرنێ دگه‌ل وه‌زاره‌تا په‌ترۆلێ یا فیدرالى كر.