وه‌زاره‌تا كاره‌بێ: مه‌كاره‌با كه‌سێ ژ به‌ر قه‌ران نه‌برییه‌

وه‌زاره‌تا كاره‌با حكومه‌تا هه‌رێما كوردستانێ راگه‌هاند؛ مه‌ ره‌وشا وه‌لاتییان ل به‌رچاڤ وه‌رگرتییه‌ و كاره‌با كه‌سێ ژ به‌ر قه‌ران نه‌بڕییه‌.

وه‌زاره‌تا كاره‌با حكومه‌تا هه‌رێما كوردستانێ ئه‌ڤرۆ ل تۆرا مه‌دیا یا فه‌یسبۆكێ دا راگه‌هاندییه‌؛ هنده‌ك به‌یجێن تۆرێن جڤاكی دا ژ بۆ بده‌ستڤه‌ئینانا لایكان، داخویانییه‌كا وه‌زیرێ كاره‌بێ به‌روڤاژی به‌لاڤكرییه‌ و د راستیێ دا وه‌زیرێ كاره‌بێ گۆتییه‌: ره‌وشا وه‌لاتییان لبه‌رچاڤ هاتییه‌ وه‌رگرتن و كاره‌با كه‌سی ژبه‌ر قه‌ران نه‌هاتییه‌ بڕین.

د راگه‌هاندنێ دا هاتییه‌ ژی، ئارمانجا وان گه‌هاندنا خزمه‌تگوزاریێ یه‌ بۆ وه‌لاتییان و به‌لاڤكرنا نووچه‌یێن بێ بنه‌ما خزمه‌تا چ ئالییان ناكه‌ت و ب مافێن خوه‌ د زانن ب رێكا یاسیایێ رێكارێن پێدڤی بگرنه‌ به‌ر، داخواز ژ ده‌زگه‌هێن راگه‌هاندنێ ژی كر، پیشه‌ییانه‌ مامه‌لێ دگه‌ل داخویانی و بابه‌تان بكه‌ن.

وه‌زاره‌تا كاره‌بێ دیار ژی كر، ئه‌و په‌یجه‌ دوورن ژ راستیێ و چ بنه‌ما بۆ نینن و داخواز ژ وه‌لاتییان كریه‌، بۆ زانینا راستییا بابه‌تێن وه‌زاره‌تا كاره‌بێ ب تنێ سه‌ره‌دانا په‌یجێ وان یێ فه‌رمی بكه‌ن.