پارتی و حزبا ده‌عوه‌ راگەهاندنه‌كا هه‌ڤپشك به‌لاڤكر

پارتی دیموكراتی كوردستان و حزبا ده‌عوه‌، راگه‌هاندنه‌كا هه‌ڤپشك ده‌رباره‌ی كۆمبوونا ئه‌ڤرۆ یا دناڤبه‌را هه‌رد ئالییان دا به‌لاڤكر و تێدا جه‌خت ل ئه‌نجامێن هه‌لبژارتنان دكه‌ن د ده‌مێ خوه‌ یێ دیاركری دا.

د وێ راگه‌هاندنێ دا سه‌ره‌رای هندێ كو په‌یوه‌ندیێن دناڤبه‌را هه‌ردو ئالییان دا ب‌ “په‌یوه‌ندیێن ب هێز و برایانه‌” هاتینه‌ وه‌سف كرن‌، ئاماژه‌ ب هندێ كرییه‌، كو د‌ كۆمبوونا دناڤبه‌را وان دا دووپاتی ل هندێ هاتییه‌ كرن، كو‌ پێدڤییه‌ هه‌لبژارتنێن پێشوه‌خت یێن عێراقێ د ده‌مێ خوه‌ یێ دیاركری دا بهێنه‌ ئه‌نجام دان.

هه‌روسا هه‌ردو ئالی ل سه‌ر هندێ د رژدن دڤێت هه‌لبژارتنێن ئازاد و پاقژ و دادپه‌روه‌رانه‌ بهێنه‌ ئه‌نجامدان و ره‌وشه‌كا سه‌قامگیر بهێته‌ ده‌سته‌به‌ر كرن، بۆ هندێ پارێزگاری ل‌ ده‌نگێن وه‌لاتییان بهێنه‌ كرن و هه‌ڤده‌م رێز ل حه‌زا خه‌لكێ بهێته‌ گرتن.