نێچیرڤان بارزانى، سەرۆکێ هەرێما کوردستانێ، ئهڤرۆ ئێكشهمبى 5-9-2021 پێشوازى ل عەبدولمونعم ئەلعەودات سەرۆکێ پەرلەمانێ شاهنشینا ئوردنا هاشمى و شاندێ دگهلدا کر.
د كۆمبوونێدا کو سەرۆکێ پەرلەمانی و جێگرێن سەرۆکێ هەرێما کوردسانێ و جێگرێن سەرۆکێ پەرلەمانى و وەزیرێ کاروبارێن پەرلەمانی و باڵیۆزێ ئوردنێ ل عیراقێ ئامادە بوون، پەیوەندیێن هەرێما کوردستانێ و شاهنشینا ئوردنێ و چۆنیەتییا بەرهڤپێشڤهبرنا وان هاته گۆتوبێژكرن و هەردوولایان پهیوهندییا وان ب مێژوویى ل قەڵەم دان.
شاندێ ئوردنێ، بەردەوامییا پشتگیرییا شاهـ عەبدوللا و شاهنشینا ئوردنا هاشمی بۆ هەرێما کوردستانێ دووپات کرهڤه و ڕێز و پێزانینێن خوه بۆ ڕۆڵێ هەرێما کوردستانێ د شەڕێ دژى تیرۆرێ و تێکشكاندنا داعش دووپات کرهڤه و ب گرنگى ڤه بهحسێ ل ڕۆڵ و پێگەها هەرێما کوردستانێ ل سەر ئاستێ عیراقێ و دهڤهرێ بۆ پاراستنا ههڤسهنگیێ و سەقامگیرێ کر.
ژلایێ خوه ڤه سەرۆک نێچیرڤان بارزانى، سوپاس و پێزانینێن هەرێما کوردستانێ بۆ پشتگیرییا بەردەواما شاهـ عەبدوللایێ دووێ و ئوردنێ چ ل سەردەمێن سەختێن بورى و چ نوكه ل هەرێما کوردستانێ دووپات کرهڤه و خواستا هەرێما کوردستانێ بۆ بهرهڤ پێشڤهبرنێ د هەموو بواراندا پەیوەندیێن ل گەڵ ئوردنێ نیشان دا.
