وەزیرێ ئەوقافێ: ب فەرمی پڕۆژێ ئاكنجیبوونێ ل سەرجەم پارێزگه‌هێن هەرێما کوردستانێ دەست پێکرییه‌

 پشتیوان سادق وەزیرێ ئەوقاف و کاروباری ئایینی، د كوربه‌نده‌كیدا دەربارەی گوتارا ئه‌ینیێ، گۆتاره‌ك پێشکێشکر و د پشكه‌كا ئاخفتنێن خوه‌ دا ڕاگەهاند: ب فەرمی پڕۆژێ ئاكنجیبوونێ ل سەرجەم پارێزگه‌هێن هەرێما کوردستانێ دەست پێکرییه‌. 

وەزیرێ ئەوقاف و کاروباریێن ئایینی ل هەرێما کوردستانێ د كوربه‌نده‌كیدا گوت: بۆ ده‌مێ ساله‌ك و نیڤایه‌ دگه‌ل ده‌زگه‌هێ وه‌به‌رهێنانێ د مژوولین، بۆ دابینكرنا جهێ ئاكنجیبوونێ بۆ مامۆستایێن ئایینى ل هه‌موو پارێزگه‌هێن هه‌رێما كوردستانێ.

روونكرییه‌ ژى، ئه‌ڤ پرۆژه‌یه‌ بۆ خزمه‌تكرنا مامۆستایێن ئایینى یه‌، بۆ هندێ باشتر ل ده‌مێ ڤه‌گۆهاستنا وان ژ مزگه‌فته‌كێ بۆ مزگه‌فته‌كا دى ئاریشا ئاكنجیبوونێ بۆ وان دروست نه‌بیت.

ل داویا گۆتارا خوه‌ دا وه‌زیرێ ئه‌وقاف داخوازییه‌ك  ئاراسته‌ى مامۆستایێن ئایینى كر و گۆتى، داخواز دكه‌م مینبه‌ران ب پارێزن ژ بابه‌تێن سیاسى، به‌حسێ سیاسه‌ت و هه‌لبژرتنان نه‌هێته‌ كرن ل سه‌ر مینبه‌ران.