ئه‌ڤرۆ به‌رپرسێ سیاسه‌تا ده‌رڤه‌یا ئێكه‌تییا ئه‌وروپا دێ سه‌ره‌دانا هه‌ولێرێ كه‌ت

ئه‌ڤرۆ به‌رپرسێ سیاسه‌تا ده‌رڤه‌یا ئێكه‌تییا ئه‌وروپا دێ سه‌ره‌دانا هه‌ولێرێ كه‌ت و ل گه‌ل به‌رپرسێن هه‌رێمێ كۆمبیت.

دوهی 06-09-2021 جۆزێب بۆریل به‌رپرسێ سیاسه‌تا ده‌رڤه‌یا ئێكه‌تییا ئه‌وروپا گه‌هشته‌ ئیراقێ و د كۆنفرانسه‌كێ رۆژنامه‌ڤانیدا ل گه‌ل فوئاد حسێن وه‌زیرێ ده‌رڤه‌یێ ئیراقێ راگه‌هاند، ئه‌و دێ كاركه‌ن بۆ دروستكرنا باوه‌رییه‌كا هه‌ڤپشك.

گۆت ژی، په‌یوه‌ندییێن وان ل گه‌ل ئیراقێ ئه‌رێنینه‌ و دێ ل سه‌ر په‌یوه‌ندی و رێكه‌فتنێن هه‌ڤپشك به‌رده‌وام بن.

جۆزیب بۆریل دوپاتكر، ئه‌و هێرشێن تیرۆرستییێن داعشێ د دوو رۆژێن بوریدا ل سنورێ كه‌ركووكێ ئیدانه‌ دكه‌ن و نابیت جهێ تیرۆرێ ل وه‌لاتی هه‌بیت.

ل دۆر هه‌لبژارتنێن ئیراقێ ژی دیاركر، د ڤێت ئاسته‌نگ و ئاریشه‌یێن پێش هه‌لبژارتنان بهێنه‌ چاره‌سه‌ركرن و هه‌لبژارتنه‌كا دادپه‌روه‌رانه‌ بهێته‌ كرن.