وه‌زیرێ ساخله‌مییێ: بانده‌كێ سه‌خته‌كرنا كارتا ڤاكسینێ هاته‌ ده‌سته‌سه‌ركرن

وه‌زیرێ ساخله‌مییا حكومه‌تا هه‌رێما كوردستانێ راگه‌هاند: وان بانده‌كێ ساخته‌كرنا كارتا ڤاكسینێ دژی كۆرۆنایێ ده‌سته‌ركرییه‌، گۆت ژی، هه‌ر كه‌سه‌كێ زانیاری ل سه‌ر تاوانێن ب ڤی ره‌نگی هه‌بیت بلا وان ئاگه‌هدار بكه‌ت.

د. سامان به‌رزنجی وه‌زیرێ ساخله‌مییا حكومه‌تا هه‌رێما كوردستانێ د پرێسكۆنفرانسه‌كێدا سوپاسییا تیمێن هێزێن ئێمناهیێ كر كو هاریكارێن وان بووینه‌ د ده‌سته‌سه‌ركرنا ئه‌وی باندیدا و گۆت ژی، نوكه‌ ئه‌و باند ل ژێر ڤه‌كۆلینێ دانه‌، هه‌ر ژ به‌ر هندێ ژی ئه‌و نه‌شیان پێشتر زانیاریان به‌لاڤ بكه‌ن، و د ده‌مێن بهێتدا هێزێن ئێمناهیێ دێ هوركارییان به‌لاڤكه‌ن

د. سامان داخازییه‌كێ ئاراسته‌ی وه‌لاتییان دكه‌ت كو بۆ دروستكرنا كارتا ڤاكسینی تنێ سه‌ره‌دانا بنگه‌هێن ساخله‌مییێ بكه‌ن.

دیاركر ژی، هێزێن ئێمناهییێ هاتینه‌ ئاگه‌هداركرن كو هه‌ر كه‌سه‌ك سه‌خته‌كاریێ بكه‌ت و كارتا ڤاكسینی دروست بكه‌ت ژێ ناهێته‌ قه‌بوولكرن.

پێشتر وه‌زاره‌تا ساخله‌مییێ راگه‌هاندبوو، كارتا ڤاكسینی ب وان كه‌سان دهێته‌‌ دان كو هه‌ردو قورچێن ڤاكسینی وه‌رگرتینه‌ و ل ده‌مێ گه‌شتكرنێ بۆ وه‌لاتان، ئه‌و دشێن ئه‌وی كارتی وه‌كو به‌لگه‌یه‌كێ بكاربینن.