ئه‌مریكا داخواز ژ ژنێن دوگیان دكه‌ت ڤاكسینى وه‌رگرن

سه‌نته‌رێ كونتۆرلكرن و دووركه‌فتن ژ نه‌خۆشییان CDC راگه‌هاند؛ پێدڤیه‌ ئه‌و ژنێن دوگیان و ده‌مێ زارۆكبوونێ نێزیك، ڤاكسینێ ڤایرۆسێ كۆرۆنایێ بدانن.

CDC دوپات دكه‌ت كو ڤاكسینێ كۆرۆنایێ زێده‌تر مفای دگه‌هینته‌ ژنێن دووگیان و زارۆكێ وێ، داخواز ژ بسپورێن ساخله‌میێ كریه‌ زانیاریێن زێده‌تر بده‌نه‌ ژنێن دووگیان لدۆر گرنگیا بكارئینانا ڤاكسینى.

رێڤه‌به‌رێ CDC، رۆچێڵ پ. والێنسكی گوت: ڤایرۆسێ كۆرۆنایێ د ده‌مێ دوگیانیێدا بارۆدوخه‌كێ تایبه‌ت و قوناغه‌كا سترێسه‌، دبیته‌ ئه‌گه‌رێ دلگرانیی و دیاركر پێتڤیه‌ ئه‌و ژنێن هزر د دووگیانیێدا دكه‌ن پێدڤیه‌ لدۆر ڤاكسینى دگه‌ل نۆژدارى باخڤن.

ل گوره‌ی داتایان 31% ژ ژنێن دوگیان ل ئه‌مریكا ڤاكسین وه‌رگرتیه‌.