سه‌روكێ لیژنا ساخله‌میێ: هه‌بوونا بێما ساخله‌میێ رێكاره‌كێ گرنگه‌ بۆ پێشخستنا كه‌رتێ ساخله‌میێ

ئاژانسا خانى:

د. سه‌باح محمود سه‌روكێ لیژنا ساخله‌میێ ل په‌رله‌مانێ كوردستانێ بۆ ئاژانسا خانى راگه‌هاند : هه‌بوونا بێما ساخله‌میێ رێكاره‌كێ گرنگه‌ بۆ پێشخستنا كه‌رتێ ساخله‌میێ، دیاركر پتریا وه‌لاتان بێما ساخله‌میێ به‌رده‌سته‌ و كار پێ دكه‌ن و هه‌بوونا پروژه‌یه‌كێ ژ ڤى ره‌نگى یێ گرنگه‌ ژبه‌ر كو دبیته‌ ئه‌گه‌رێ كێمكرنا بارگرانیا ل سه‌ر نه‌خوشخانا و ب بهایه‌كێ ره‌مزى چاره‌سه‌رى بۆ دهێته‌ كرن و پشتى تمامبوونا سیسته‌مێ ساخله‌میا جیهانى دێ پشته‌ڤانیا ڤێ بێمێ هێته‌ كرن.

سه‌روكێ لیژنا ساخله‌میێ، گۆتى ژى، پرۆژه هێشتا یێ ل قوناغا ده‌ستپێكێ دا، بیمه‌یێن ساخله‌میێ وه‌زاره‌ت یا كارى ل سه‌ر دكه‌ت، و هێشتا ره‌شه‌نڤیس نه‌گه‌هشتییه‌ به‌ر ده‌ستێ مه‌.‌

هه‌روه‌سا ئاماژه‌ دا: وه‌ك لیژنا ساخله‌میێ دگه‌ل وه‌زاره‌تا ساخله‌میێ د هه‌ماهه‌نگیێ داینه‌ و بوچوونا لیژنا ناڤبرى دڤى بیاڤى دا ب گرنگى دێ هێنه‌ وه‌رگرتن.