مه‌سعود بارزانى،پێشوارى ل مه‌زنه‌ شیره‌تكارێ به‌ره‌ڤانیا به‌ریتانیا بۆ كاروبارێن رۆژهه‌لاتا ناڤه‌راست وباكورێ ئه‌فریقیا كر

سه‌رۆك مه‌سعود بارزانى، ئه‌ڤرۆ 8-11-2021 ل سه‌لاحه‌دین پێشوازى ل سامى سمسن مه‌زنه‌ شیره‌تكارێ به‌ره‌ڤانیا به‌ریتانیا بۆ كاروبارێن رۆژهه‌لاتا ناڤه‌راست وباكورێ ئه‌فریقیا وشاندێ دگه‌لدا كر .

ددیدارێ دا كو ده‌یڤد هه‌نت كونسولێ به‌ریتانیا ل هه‌ولێرێ ئاماده‌بوو، ره‌وشا سیاسی وئه‌منی یا عیراقێ وده‌ڤه‌رێ وگه‌فێن تیرۆرێ گه‌نگه‌شه‌كرن وروناهى ئێخسته‌ سه‌ر دووماهیك پێشهاتێن سیاسی یێن عیراقێ ب تایبه‌ت قو‌ناغا پشتى هه‌لبژاترتنا جڤاتا نوونه‌رێن عیراقێ .

هه‌ر دڤێ دیدارێ دا شاندێ مێهڤان جه‌خت ل وێ چه‌ندێ كر كو بریتانیا دێ وه‌ك دوسته‌كێ بهێزێ هه‌رێما كوردستانێ وعیراقێ مینیت وپشته‌ڤانییا وه‌لاتێ خوه‌ بۆ چاكسازیێ د هێزێن پێشمه‌رگێ كوردستانێ دووپات كره‌ڤه‌.