سەرەدانا زیندانییان دێ بیته‌ ب مه‌رج

ژ پێخه‌مه‌ت به‌لاڤنه‌بوونا ڤایرۆسێ كۆرۆنایێ دناڤا چاكسا زیان دا، پێدڤییە كەسوكارێن زیندانییان دەمێ سەرەدانا وان چاكسازییان دكەن، هەردو قورچێن ڤاكسینێ دژی كۆرۆنایێ وەرگرتبن و دڤێت رێنمایێن خۆپارێزیێ ژی دناڤا چاكسازییان دا بجهـ بینن.

رێڤەبەرێ گشتی یێ چاكسازیێن هەرێما كوردستانێ دیار كرییه‌: پشتی به‌لاڤبوونا ڤایرۆسێ كۆرۆنایێ سەرەدانا سزادایان هاتبوو راگرتن، لێ جاره‌كا دی ب بریارا وەزارەتا كار و كاروبارێن جڤاكی و لژنا بلند یا به‌رهنگاربوونا كۆرۆنایێ دەرگەهێ سەرەدانان هاتییە ڤەكرن، لێ دڤێت مه‌رج و رێنمایێن ساخلەمییێ بهێنه‌ بجهئینان.

ئەحمەد نەجمەدینی گۆت ژی: ژ ئه‌ڤرۆ وێڤه‌ هەر كەسێ سەرەدانا زیندانییان ل چاكسازییان بكەت، پێدڤییە هەردو قورچێن ڤاكسینێ كۆرۆنایێ وەرگرتبن، یان ژی ب ته‌مامی رێنمایێن خۆپارێزیێ ژ ڤایرۆسێ كۆرۆنایێ ئەنجام بدەن” هه‌تاكو بشێن سه‌ره‌دانا چاكسازییان بكه‌ن.