وەزارهتا دارایی و ئابووری یا حكومهتا هەرێما كوردستانێ راگەهاند، لدووڤ بریارەكا سەرۆكاتییا دادگەها پێداچوونا هەرێما كوردستانێ، وەزارەتێ ب سكالایەكا قانوونی ڕێڤەبەرێ رێپێدایێ كۆمپانییا نالیا نەچار كر كوژمێ 75 ملیار دیناران وەكو قەر و مفایێ بانكی بۆ وەزارتا دارایی و ئابووری ڤەگەڕینیت.
ئهو ژی گۆتییه، كۆمپانییا نالیا بهری چەندین سالان سكالایهك ل دژی وەزارتا دارایی و ئابووری یا ههرێمێ تۆماركربوو و د وێ سكالێدا داخواز كربوو مفایێن ل سەر قەرێن كۆمپانیێ بهێنە ژێبرن یان كێمكرن، پشتی وەزارتا دارایی ئەو سكاڵایە ب دەست خۆڤە ئینایی، حكومەتا هەرێمێ دێ سەرجەم وان مولكێن كۆمپانییا نالیا فرۆشیت، كو ل بەرامبەر قەرێن وەرگرتین وەكو گەرەو هاتبوونە تۆمار كرن.
