کۆمبوونەك دگەل سەندیکایێن ساخلەمیێ هاتەکرن

د.ئەفراسیاب موسا، رێڤەبەرێ گشتیێ ساخلەمییا دهۆکێ دگەل سەندکایێن گرێدای ساخلەمیێ( سەندیکا نۆژدارێن کوردستانێ، نۆژدارێن ددانا، دەرمانسازان، کارمەندێن ساخلەمیێ، بایولوجی، کیمیاگەران) کۆمبوو.

د کۆمبوونێ دا خزمەتێن گشتی و ئاریشە و چاوانیا رێکێن چارەسەریێ و داخوازیێن وان هاتن دیارکرن و رژدی ل سەر کارێ هەڤپشک دناڤ دامودەزگەهێن ساخلەمیێ و لژنێن دووڤچوونێ و هەماهەنگی دناڤبەرا سەندیکایێن ناڤبری و دەزگەهێن ساخلەمیێ دا ل دووڤ یاسایێن سەندیکایان کو ئەرک و مافێن ئەندامێن وان ددەمێ کاری دا بهێنە پاراستن هاتەکرن.

رێڤەبەرێ گشتیێ ساخلەمیا دهۆکێ پشتەڤانیا داخوازیێن وان کر، ژپێخەمەت پتر خزمەتکرنا وەلاتیان د کەرتێ تایبەت و گشتی دا.

هەروەسا خواست د ڤێ قۆناغێ دا پتر پێگیری ب رێنمایێن خۆپاراستنا ساخلەمیێ ژ پەژیا کۆرۆنایێ بهێتەکرن و هەموو ئەندامێن خوە هانبدەن بو وەرگرتنا ڤاکسینێ دژی کۆرۆنایێ.