ئێكه‌تییا قۆتابیێن كوردستانێ به‌یاننامه‌ك به‌لاڤكر

 

د دو رۆژێن بوری دا، پشكه‌كا قوتابیێن زانكۆ و پەیمانگه‌هان ل ھەرێما كوردستانێ، چەند خۆپیشاندانه‌ك بۆ داخوازكرنا دەرمالێن قوتابیان رێكخست، د پشكه‌كا وان خۆپیشاندانان دا ل سنوورێ پارێزگه‌ها سلێمانییێ ئالۆزی دروستبوون و د ئه‌نجامدا چەند قوتابی برینداربوون.

ئه‌م وه‌كو ئێكه‌تییا قوتابیێن كوردستانێ ب روونی ھەلویستێ خوه‌ د چەند خالان دا، دیار دكه‌ین:

١.  پشتگیریێ ل هه‌موو ماف و داخوازیێن قوتابیێن زانكۆ و پەیمانگەهان دكەین بۆ داخواكرنا دەرمالێن وان، چونكی قەیرانا دارایی كاریگەرییه‌كا زۆر ل سەر ژیارا قوتابیان كرییە.

٢. دخوازین دەزگه‌هێن ئاسایشا ناڤخۆ ل سنوورێ پارێزگه‌ها سلێمانیێ، بەرپرسیارانە و دوور ژ توندوتیژیێ مامەلێ بكەن و ئەركێ خوه‌ د پاراستنا قوتابیان دا جێبەجێ بكەن.

٣.  ب توندی ئیدانا ھەر بزاڤه‌كا كەسی یان حزبی دكەین بۆ ب سیاسیكرنا ڤێ پرسێ، یان ب كەرەستەكرنا ڤێ پرسێ یان ھەر پرسه‌كا دیتر یا گرێدایی ب قوتابیان ڤه‌ بۆ مەره‌مه‌كا دیتر.

٤.  دخوازین قوتابی ھێمنانە و دوور ژ پەنابرنێ بۆ ھەر كریاره‌كا دوور ژ بلنداهییا ئاستێ ته‌خا قوتابیان، داخوازیێن خوه‌ بێخنه‌ به‌رچاڤ.

٥.  دخوازین حكومەت لدووڤ شییانێن خوه‌ یێن دارایی، بڕیارا پێدڤه‌ بده‌ت ده‌ربارەی داخوازیێن قوتابیان.