سه‌رۆكێ هه‌رێمێ ل گه‌ل كۆنسولێ نوو یێ ئیتالیا كۆمبوو

كۆنسولێ نوو یێ ئیتالیا خواندنا زمانێ ئیتالی و ده‌ستپێكرنا گه‌شتێن راسته‌وخۆ ژ‌ ئیتالیا‌ بۆ هه‌ولێرێ ل ‌گه‌ل سه‌رۆكێ هه‌رێما كوردستانێ گوتۆبێژ كرن.

ئه‌ڤرۆ نێچيرڤان بارزانى، سه‌رۆكێ هه‌رێما كوردستانێ، پێشوازى ل‌ ميكيلێ كامێرۆتا كۆنسولێ نوو یێ ئيتاڵيا ل‌ هه‌رێما كوردستانێ كر.

د وێ‌ ديدارێدا نێچيرڤان بارزانى، پيرۆزباهییا ده‌ست ب ‌كاربوونێ لێكر و هه‌موو پشته‌ڤانییه‌ك بۆ سه‌ركه‌فتنا وی د‌ ئه‌ركێن وی دا ل‌ هه‌رێما كوردستانێ ده‌ربڕى، هه‌روه‌سا سوپاس و پێزانين بۆ پشته‌ڤانییا سه‌ربازي یا ئيتاڵيا ل‌ هه‌رێما كوردستانێ د شه‌رێ دژى داعشێ و هاریكاریێن وان بۆ پێشمه‌رگه‌یی ب‌‌ تايبه‌تى ژ رووىێ مه‌شق و ڕاهێنانان ڤه‌ و هاریكاريێن مرۆڤی بۆ ئاواره‌ و په‌نابه‌ران، دووپات كرییه‌‌.