مه‌سرور بارزانى: ئه‌و ئاژانسێن گه‌شتیارى ئاسنكارى بۆ كۆچكرنێ كرین دێ رووبرووى یاسایێ هێنه‌كرن

سەرۆكێ حكومه‌تا هەرێما كوردستانێ ل دۆر ره‌وشا كۆچبەران دیاركر: قاچاخچییان خه‌ونا ژیانه‌كا باشتر فرۆتییه‌ خه‌لكى، به‌لێ مرن چاڤه‌رێ وان بوو، ئه‌و ئاژانسێن گه‌شتیارى ئاسانكارى بۆ كۆچكرنا خه‌لكى كرین، دێ رووبرووى یاسایێ هێنه‌كرن.

مەسرور بارزانی، سەرۆكێ حكومه‌تا هه‌رێمێ د گۆتاره‌كێدا كو د مالپه‌رێ لۆمۆند ب زمانێ فره‌نسى هاتییه‌ به‌لاڤكرن و راگه‌هاند: ب درێژاهییا دیرۆكێ كورد به‌رده‌وام د كۆچكرنێدا بوون، ل هه‌مى پارچێن نشتیمانى كچ و كورێن مه ‌به‌رده‌وام ژ جه‌نگ، زۆلم، تاعون و جینوسایدێ ره‌ڤینه‌.

مەسرور بارزانی گۆت ژى، د چه‌ند مه‌هێن بوورى كۆچا كوردا به‌ره‌ڤ ئه‌ورۆپا و ره‌وشا دژوار ل دارستانێن به‌فرین یێن بیلارۆسیا كه‌نارێن ئاڤى یێن كه‌نالێ بریتانى گه‌له‌ك یا ب زه‌حمه‌تبوو. ژبلى وێ یه‌كێ كو د چه‌ند رۆژێن بووریدا تراژیدییا روودانا ژێر ئاڤكه‌تنا به‌له‌ما كۆچبه‌ران ل ئاڤێن دناڤبه‌را فره‌نسا و بریتانیا، هه‌مى كه‌س مه‌نده‌هوشكرن كو بوو ئه‌گه‌رێ گیان ژده‌ستادانا 27 كه‌سان كو پترییا وان خه‌لكێ هه‌رێما كوردستانێ بوون.

سەرۆكێ حكومه‌تا هەرێما كوردستانێ ئه‌و یه‌كه‌ دیاركر، تۆرێن قاچاخچییان یێن ل پشت ڤێ تاوانێ ب نیازن پێله‌كا كۆچبه‌ران بێخنه‌ دناڤ ئێكه‌تییا ئه‌ورۆپا داكو فشاره‌كا سیاسى دچارچوڤێ ئاریشێن دناڤبه‌را بیلارۆس و برۆكسل دروست بكه‌ن.

مەسرور بارزانی  بۆ مالپه‌رێ لۆمۆند دیاركر ژى، هەرێما كوردستان رێنمایێن جددی گرتینه‌به‌ر بۆ رێنه‌ددان خه‌لكى بۆ گه‌شتێ ژ ئالییێ سه‌ركردێن سیاسى و ب هاریكاری و هه‌ماهه‌نگى دگه‌ل قاچاخچی و گرۆپێن تاوانبار، ئه‌و سیسته‌مێ ب شێوێ ئۆتۆماتیكى ڤیزه‌ ده‌ردكه‌ڤیت، نها هاتینه‌ راوه‌ستاندن و ئه‌م هاریكارییا هه‌ر كه‌سه‌كى دكه‌ین یێن دڤێن ڤه‌گه‌رنه‌ كوردستانێ، هه‌تا نها نێزیكى دوو هزار كه‌سان زڤڕینه‌ كوردستانێ.