پەیڤدارێ رێڤەبەرییا پۆلیسێن دهۆکێ تایبەت بۆ ئاژانسا خانی گۆت: ب فەرمانا وەزارەتا ناڤخو یا حکومەتا هەرێما کوردستانێ هەر پۆلیسەکێ ژهەژی پلە بەرزکرنێ بیت پێدڤییە پشکداری خولەکا تایبەت ببیت، بوو ڤێ مەرەمێ ب سەرپەرشتیا رێڤەبەرێ پۆلیسێن پارێزگەها دهۆکێ عمید فخری ئەحمه‌د خولەکا تایبەت بوو دسپلینا لەشکەری و زێدەتر مفا وەرگرتن ژ شیانێن لەشی ل گورەپانا بەشێ مەشق و شیاندن ئەڤرو (275)پولیس پشکداری خولێ بوون.
مقەدمێ مافپه‌روه‌ر هێمن سلێمان زێدەتر گۆت: زێدەباری راهێنانێن سپێدەهیان مەشقا لەشکەری و وانە و سمینار دێ ژلایێ ماموستایێن تایبەتمەندڤە هێنە پێشکێشکرن و ئەڤ خولە دێ بوو ماوێ سێ حەفتیان ڤەکێشیت داکو پۆلیسێن پشکداری خولێ بهێنە پلەبەرزکرن بۆ پلا رێپێدراوێن پۆلیسان.
