ئهڤرۆ ل ههمبهر دادوهر عهبدولجهبار عهزیز حهسهن، سهرۆكێ جڤاتا دادوهری ل ههرێما كوردستانێ رێورهسمێن سویند خواردنا 47 دادوهران و 12 ئهندامێن داواكارییا گشتی هاتنه گێران.
پشتی بڕیارا جڤاتا دادوهری یا ژماره (71 ل 1/12/2021) ب پشتهڤانییا فهرمانا ههرێمێ یا ژماره (272) یا سالا 2021 و لدووڤ نڤیسارا سهرۆكاتییا ههرێما كوردستانێ / دیوان یا ژماره (د-1099 ل 5/9/2021) و دیار كرنا گشت مهرجێن یاسایی جڤاتا دادوهری بڕیار دابوو ب دامهزراندنا 47 دادوهران بۆ دادگههێن تێههلچوونا ههولێر / سلێمانی / دهۆك / و كهركوك- گهرمیان.
د وان رێورهسمان دا جێگرێن سهرۆكێ جڤاتا دادوهری و ئهندامێن دادگهها پێداچوونێ و سهرۆكێن دادگههێن تێههلچوونا ههولێر و سلێمانی و دهۆك و كهركوك- گهرمیان و سهرۆكێ داواكارییا گشتی و بریكارێ وهزارهتا داد و رێڤهبهرێ پهیمانگهها دادوهری ئاماده بوون.
دناڤا دادوهر و ئهندامێن داواكارییا گشتی، 29 ژن ههنه كو 19 ژ وان وهكو دادوهر و 10 ژی وهكو ئهندامێن داواكارییا گشتی ل دادگههێن تێههلچوونا پارێزگههێن ههرێما كوردستانێ دێ دهست ب كار بن.
دادگهها تێههلچوونا ههولێرێ 12 دادوهر و دادگهها تێههلچوونا سلێمانییێ 17 دادوهر و دادگهها تێههلچوونا دهۆكێ 9 دادوهر و دادگهها تێههلچوونا كهركوك- گهرمیان 9 دادوهر.
