سه‌رۆكاتییا هه‌رێما كوردستانێ د راگه‌هاندنه‌كێ دا دیاركرییه، ئه‌ڤرۆ نێچیرڤان بارزانى، سه‌رۆكێ هه‌رێما كوردستانێ پێشوازى ل ڤێلله ڤاریۆلا، بالیۆزێ ئێكه‌تییا ئه‌ورۆپا و ئان مێسكان، سه‌رۆكا هنارتییا شیره‌تكارى یا ئێكه‌تییا ئه‌ورۆپا ل عیراقێ كر.
د كۆمبوونا خۆه دا هه‌ردوولا ره‌وشا سیاسى یا عیراقێ و هێرشێن مووشه‌كى یێن سه‌ر هه‌ولێرێ و بزاڤێن پێكئینانا حكومه‌تا عیراقێ و پرسا كۆچ و كۆچبه‌ران گۆتۆبێژكرن.
سه‌رۆكێ هه‌رێما كوردستانێ دگه‌ل شانده‌كێ ئێكه‌تییا ئه‌ورۆپا كۆمبوو و راگه‌هاند، سۆپاسییا هه‌لویستێ ئێكه‌تییا ئه‌ورۆپا و راگه‌هاندنا وێ دكه‌ین ده‌رباره‌ى هێرشا مووشه‌كى یا سه‌ر هه‌ولێرێ.
دۆپاتى ژى ل گرنگى و ئاماده‌ییا ئێكه‌تییا ئه‌ورۆپا و ده‌زگه‌هێن وێ ل عیراقێ و هه‌رێما كوردستانێ كر.
بالیۆزێ ئێكه‌تییا ئه‌ورۆپا ل عیراقێ دۆپاتى ل خواستا ئێكه‌تییا ئه‌ورۆپا بۆ پێشڤه‌برنا په‌یوه‌ندییان دگه‌ل عیراقێ و هه‌رێما كوردستانێ و هاریكارى بۆ بهێزكرنا سازى و ئاڤه‌دانكرنێ دۆپاتكر.
هنارتییا شیره‌تكار یا ئێكه‌تییا ئه‌ورۆپا ژى ئاماده‌یى بۆ پێشكێشكرنا هاریكارى و پشته‌ڤانییا عیراق و هه‌رێما كوردستانێ نیشاندا د بوارێن مه‌ده‌نیدا. و دیاركر ژى كر هه‌رێما كوردستانێ ژى دشێت مفاى ژ به‌رنامێن ئێكه‌تییا ئه‌ورۆپا وه‌رگریت د چاكسازییێن كه‌رتێ سڤیلدا.
ژلایێ خۆه‌ڤه نێچیرڤان بارزانى سۆپاسییا هه‌لویستێ ئێكه‌تییا ئه‌ورۆپا ده‌رباره‌ى هێرشا مووشه‌كى یا سه‌ر باژێرێ هه‌ولێرێ كر و دۆپاتى ژى ل گرنگییا رۆلێ ئێكه‌تییا ئه‌ورۆپا ل هه‌رێما كوردستانێ و عیراقێ كر.
