بریاره ئه‌ڤرۆ ل ده‌مژمێر 11 نیڤرۆ جڤاتا نونه‌رێن عیراقێ كۆمبیت و سه‌روككوماره‌كێ نوى ب هه‌لبژێریت.
هه‌روه‌سا كومبوونا خوه یا هژماره 6ئاسایى یا وه‌ورزێ یاسادانانا ئێكێ ل سالا یاسادانانا ئێكێ خولا پێنجێ هه‌لبژارتنا خوه، سازكه‌ت.
به‌رنامێ كارێ كۆمبوونێ ژ دووخالان پێك دهێت ژوان:
– هه‌لبژارتنا سه‌روككومارێ نوی یێ عیراقێ.
– پێكئینانا لیژنا هه‌میشه‌ى یا په‌رله‌مانى.
بریار بو ل دووشه‌مبیا بوورى 22-3-2022 جڤاتا نوینه‌رێن عیراقێ بۆ هه‌لبژارتنا سه‌رۆككومارێ نوى یی عیراقی كۆمبیت، به‌لێ ئه‌گه‌رێ ئاماده نه‌بوونا رێژه‌كا یاسایى یا په‌رله‌مانتاران، هه‌لبژاردن بۆ ئه‌ڤرۆ هاته پاشئێخستن. ژبه‌ر ناكوكیێن دناڤبه‌را هه‌ڤپه‌یمانیا رزگاركرنا نشتیمانی یاكو هه‌ول دده‌ت دوو سێكێن جڤاتا نونه‌ران كوم كه‌ت دناڤ هولا په‌رله‌مانیدا و ل به‌رامبه‌ر دا چارچوڤێ هه‌ماهه‌نگی هه‌ول دده‌ت كو سێكا ئه‌ندامێن جڤاتێ ئاماده‌نه‌بن دا ده‌نكدان لسه‌ر هه‌لبژارتنا سه‌روك كوماری نه‌هێته‌كرن.
لدویڤ مالپه‌رێ فه‌رمى یێ جڤاتا نوینه‌رێن عیراقێ به‌لاڤكرى، 41 كه‌سان خو بۆ پوستێ سه‌روككۆمارى به‌ربژێر كریه.
