ل پرێس كۆنفرانسێ جۆ بایدن، سهرۆكێ ئهمریكا دیاردبیت كۆ ئهو پشت بهستنێ ب سهر كاغهزهكا 14 خال دكهت بۆ بهرسڤدانا پسیارێن رۆژنامهڤانان.
ڤى بابهتى ل میدیایێن ئهمریكى و جیهانى گهلهك دهنگڤهدایه ، مالپهرێ فۆكس نیۆز یێ ئهمریكى دهربارهى وى بابهتى بهلاڤكرییه: بایدن ب “ كاغهزێن قۆپیایێ “ كۆ كۆمهكا بهرسڤێن ئامادهكرى بۆ پسیارێن رۆژنامهڤانان ل سهر بوون هاته گرتن! ب رهنگهكى ل دهمێ رۆژامهڤانان پسیار دكرن وى بتنێ بهرسڤێن خۆه یێن نڤیسى دخواندن.
ژمارهكا مهزن یا پسیار و بهرسڤان دهربارهى ناتۆیێ ژى ل سهر كاغهزا بایدنى ههبوون، ل دور پسیارا رۆژنامهڤانهكى ژى بهرسڤهكا خۆه خواند و گۆت: چ جاران وهكى نوكه ناتۆ یا ئێكگرتى نهبوویه.
مالپهرێ مهیل یێ بریتانى ژى بهلاڤكرییه، بایدنێ 78 سالى كاغهزهك ههلگرتییه كۆ بهرسڤێن خۆه بۆ رۆژنامهڤانان ل سهر نڤیسیبوون، لێ سهرهراى وێ یهكێ، وێ كاغهزێ هاریكارییا وى نهكر كۆ ئهو هزرێن خۆه ژبیرنهكهت.
